被指因出賣閨蜜私生活而感情破裂,TVB兩大女神力證姊妹情不變

日前,TVB花旦姚子羚就陷入「四角戀」嘅桃色風波當中,不過情同姐妹嘅龔嘉欣就未有對此作出回應,據傳媒消息指,原來龔嘉欣與姚子羚早就已經反面,姊妹情不再。

其實龔嘉欣同姚子羚一向係娛樂圈中公認嘅好姊妹,唔單止同租一間屋,更共同收養過畀遺棄嘅狗狗「通仔」,原先以為兩個人一直好似姊妹般相處落去,不過後尾隨著姚子羚同富貴男友鄭子邦交往之後,兩個人嘅關係似乎都都發生咗變化,甚至更發展到反目嘅地步。

據有關消息指,姚子羚同龔嘉欣喺公司碰面都「有共識」嘅互當透明,而兩個人反面嘅原因,就系因為龔嘉欣將姚子羚嘅私生活對外洩露,而姚子羚都曾經懷疑過好姊妹,但系就冇當面戳穿,只系自己盡量少講感情事。

而龔嘉欣都曾經講過姚子羚試過叮囑佢唔好對外亂講嘢,而佢都試過向記者透露姚子羚同鄭子邦拍拖好甜蜜而遭到好姊妹嘅責怪,因此之後龔嘉欣對于姚子羚嘅問題都唔敢再多講。

久而久之,兩個人都有各自嘅閨蜜圈,包括姚子羚嘅「胡說八道會」以及龔嘉欣嘅「少婦聯盟」,因此兩個人之間嘅聯繫越嚟越少。

不過事後,記者向兩位當事人求證嘅時候,姚子羚馬上澄清表示:「冇咁嘅事!我哋都系好朋友,之前我首飾品牌推出,嘉欣都幫我戴去出活動支持!」而另一當事人龔嘉欣都表示:「冇咁嘅事,一直都系好朋友,亦都好支持佢。」

其實睇返龔嘉欣嘅社交平台,較早時佢先喺網上曬咗戴住姚子羚自家品牌耳環,更加大贊好姊妹送畀佢耳環,姚子羚都喺下面留言寫道:「Thx baby!!」足以證明兩個人嘅姊妹情依舊。

唔理點樣,希望單嘢可以早日平息,早日解決誤會,相信姚子羚同龔嘉欣兩個人依舊系好姊妹,都希望佢哋可以繼續畀我哋帶嚟好作品,期待!

發表回覆

你的電郵地址並不會被公開。 必要欄位標記為 *