要拉埋天窗?「鐵面陳」透露:熊樹根一家都會嚟飲

TVB處境劇《開心速遞》相信對于唔少劇迷嚟講都系每日嘅「撈飯」必備,加埋一眾藝人嘅落力演出,令到成部劇增色唔少。除咗一眾主演嘅感情線備受關心之外,其他演員嘅感情發展都幾有睇頭,比如飾演沈可欣同王致狄呢一對。

喺《開心速遞》中飾演人事部副經理Rebecca嘅沈可欣,較早前就因為「被迫」去英國受訓,而暫時離開劇組,不過據媒體消息指,最近沈可欣準備會強勢回歸,兼夾同飾演「鐵面陳」嘅王致狄感情將會嚟個突飛猛進,大家系咪已經迫不及待要追劇呢?

更加勁爆嘅劇透就系,鐵面陳喺接受訪問時更大爆將會同Rebecca拉埋天窗?不過所謂「理想系好豐滿嘅,而現實就好骨感」,原來一切,不過系Rebecca嘅一廂情愿兼夾系自己嘅幻想,唔知各位老友可唔可以接受呢個殘酷嘅事實呢?

據鐵面陳透露:「佢喺英國受訓期間,一直同我有書信來往,但其實我同佢書信行系為咗學英文,Rebecca以為我對佢有意思,仲幻想我哋會結婚,嗰場戲都認真嘅,仲有熊樹根一家會嚟飲。」

鐵面陳繼續表示話:「因為Rebecca之后,聽到王朝(莫家淦)同我講公司都有得學英文,唔使再搵Rebecca。」真系隔著屏幕都感受到心碎聲!

1984年生嘅王致狄由細喺加拿大生活,喺當地大學修讀經濟嘅佢,喺2009年就回流到香港,后來機緣巧合下,透過入讀TVB第23期藝員訓練班而正式入行,開始發展其演藝路。

佢話:「之前都有拍過《巾幗梟雄》、《沖上云宵》,不過可能都系啲二打六,大家都未必留意到,我又唔覺得好慘,起碼都叫keep住有工開,雖然同年齡嘅朋友,可能都已經埋咗婚有自己家庭,但我認為自己而家經歷住一個過程。」

其實唔少觀眾都好鐘意Rebecca同鐵面陳呢個組合,唔知,跟住佢哋會唔會「翻盤」嚟個開花結果呢?噉大家千祈唔好錯過,期待佢哋跟住落嚟嘅發展!

Like MisshkNews Facebook!不出门也能知天下事~

發佈回覆

你的電郵地址並不會被公開。