豹哥超鐘意胡杏兒仔仔,後悔唔早d生一個!

藝人單立文(豹哥)與胡蓓蔚結婚多年,一直無兒無女。因此,兩公婆將愛擺喺好友胡杏兒嘅仔仔Brendan身上,當佢親生仔嚟錫!

胡杏兒日前為即將出世嘅第二胎舉辦Baby Shower,「胡說八道會」除咗姚子羚之外,全員出席。

胡蓓蔚嘅老公單立文,雖然冇陪老婆出席聚會,但都好期待胡杏兒第二胎出世:”次次見到佢個仔都覺得可愛,會問自己點解唔早啲生bb?”

豹哥話,自己已經60歲,要生仔恐怕已經唔合適,不過兩公婆都好錫Brendan仔,單立文除咗次次彈結他惹Brendan仔開心,仲送咗樂器畀Brendan做禮物。

至於即將出世嘅Baby Lee 2呢?“等BB出世,睇佢鐘意啲咩,鐘意跳舞叫黃智雯教,鐘意做戲叫胡定欣教,鐘意扮公主就畀李施嬅教羅!”

發表回覆

你的電郵地址並不會被公開。 必要欄位標記為 *