尋日就有消息傳出賭王何鴻燊病危，佢屋企人紛紛趕到醫院見佢最后一面，直到今午1時05分一代賭王何鴻燊喺在香港養和醫院病逝，終年98歲。
賭王自從2009年喺屋企跌傷頭部昏迷，導致其入院接受治療之後，佢嘅健康情況就開始轉差，由原本好精靈變得反應遲緩兼愈嚟愈吽哣。
未跌傷入院前嘅賭王轉數極快，而且充滿幽默感，經常妙語如珠，更加不時大爆金句，以下就為大家重溫一下賭王嘅十大金句，排名唔分先後。
No.1「我一滴都唔同意！」賭王喺2008年9月份回應有關二房女兒何超瓊被傳有意向前夫許晉亨借精生B一事時講。
No.2「若果係好質地，有商量，但Gilbert冇得傾。」賭王喺2000年8月份被問到對于二房女何超瓊同楊其龍（Gilbert）拍拖一事，當面批評Grilbert質地有問題。
No.3「最有經驗係我，邊個有本事可以淘汰我？我開賭場等于印銀紙咁，日日印銀紙，想窮都難。」賭王喺2001年被問到對于澳門賭權開放重發賭牌，佢諷刺競爭對手時講。
No.4「要學蛇蟲一樣秋收冬藏，秋天同太太分房。」賭王喺2001年11月擺80大壽時，分享其養生之道所講。
No.5「我希望長命啲，唔使150歲，120歲都殺。」賭王喺2003年11月82歲大壽嘅時候，佢公開講出生日愿望。
Like MisshkNews Facebook！不出门也能知天下事～
