過氣艷星命途坎坷,而家重病瘦到皮包骨!

現年49歲嘅過氣艷星鄭艷麗日前佢喺社交平臺自爆患厭食症入院,嚴重到一度住入ICU,佢仲發文話:「因為患有身體內排斥食物嘅厭食症,因為身體內冇營養,而且我一食嘢就會嘔,所以點解嚴重會入ICU!」

鄭艷麗承諾會努力面對病情,至於點解選擇同大家講,佢坦言:「如果我萬一不在世上,我嘅好朋友同粉絲都可以明白我嘅狀況,而唔係睇報道亂寫一通嘅嘢,我就心安啦!」

鄭艷麗連日嚟有保持更新,2日前透露已經離開ICU并轉去普通病房,但仲需要每一個鐘抽血,搞到手腕滿滿瘀青。但因為鉀指數仲唔正常,所以冇辦法出院,唔少網民紛紛留言祝佢早日康復。

講到鄭艷麗,其實當年佢有「翻版李嘉欣」之稱,90年代曾經拍攝過多套大尺度電影,包括《慈禧秘密生活》、《滅門慘案II》等,令觀眾留低深刻印象「一脫響朵」!

然而喺事業巔峰之際,鄭艷麗就選擇咗隱退,當時嘅傳聞話佢飛上枝頭變鳳凰,搭上咗臺灣富商黃任中,所以決定淡出娛樂圈。

但係最終兜兜轉轉,黃任中過身之後鄭艷麗嘅豪門夢破碎,同時佢都失去咗佢演藝事業,當鄭艷麗再度返香港時,佢畀影到喺快餐店做清潔工、收銀員,生活過得相當落魄。

而家,鄭艷麗又自曝患上咗厭食症,不得不感嘆鄭艷麗呢一生真係充滿咗太多嘅可惜。唔理點樣,最後都係祝福鄭艷麗身體健康,早日康復,生活都能夠更加幸福!

Like MisshkNews Facebook!不出门也能知天下事~

發佈回覆

你的電郵地址並不會被公開。