TVB喺輝煌時期，曾拍下不計其數嘅經典電視劇，憑住啲電視劇，好多藉藉無名嘅TVB藝員，一下手勢就變得街知巷聞、紅極一時。
不過，娛樂圈呢碗飯並唔好食，佢更新換代嘅速度非常之快，好多藝員紅系紅咗，但只系曇花一現，可以長年屹立不倒嘅系少之又少。
故此，有啲藝員拍住拍住，突然間就冇咗消息，消失在大眾嘅視線之外，佢哋都去咗邊呢？你仲記得佢哋嗎？
其實，佢哋中有啲人，經過短暫嘅消失之后，又回歸到銀幕前，但都有D人消失多年之后，就再都唔見蹤影。
今日，我哋就嚟回憶一下那些消失的TVB女明星啦！
首先，我哋要講嘅系陳秀雯，《壹號皇庭》系列同《再見亦是老婆》等劇嘅熱播，徹底奠定咗佢喺90年代中期TVB嘅一姐地位。
1996年，陳秀雯過檔亞視主演《再見艷陽天》，結果該劇大受歡迎，打破咗無線嘅慣性收視，喺TVB一臺獨大的香港電視圈算系一個唔細嘅奇跡。
1980年，陳秀雯與林國雄因出演《驟雨中的陽光》相戀，二人于1987年結婚。
結婚之后，陳秀雯老公林國雄因為欠債失咗蹤，令到陳秀雯畀人追數，甚至于2008年重畀貼大字報，陳秀雯就一度患上焦慮癥。
2011年，陳秀雯與林國雄正式辦理咗離婚手續，結束28年的婚姻。
同年，為咗幫助香港學生輔助會，零酬勞出演舞臺劇《情歸何處》，并出演數字電影《嚴冬里的春天》，此后就好少見到佢消息。
梁小冰，1990年香港小姐季軍，畀周潤發評為最有做戲天份嘅港姐，曾為TVB當紅一時嘅當家花旦，素有古裝皇后之稱。
佢代表作有《鹿鼎記》嘅阿珂、《圓月彎刀》嘅青青、《兒童梁祝》嘅祝英臺，1998年事業高峯時，突然間選擇離開無線，并于2000年嫁藝人陳嘉輝。
2007年，梁小冰產子后隱退，結婚之后12年，梁小冰曾一度與電臺主持人王志海傳出緋聞，但夫妻二人力證感情未變。
2012年，梁小冰復出娛樂圈，間中拍拍電視劇賺錢養家。
劉玉翠，畢業于香港演藝學院，最為觀眾熟知嘅系《鹿鼎記》入面嘅刁鉆潑辣建寧公主，98版《天龍八部》嘅阿紫。
其實喺拍《鹿鼎記》前，佢就已經憑《廟街皇后》獲最佳女配角同最佳新人獎，演技備受認可。
但喺相當長一段時間里面，劉玉翠對自己嘅事業唔滿意，因為佢并冇躋身香港一線明星嘅行列，佢覺得距離自己當初嘅夢想仲有唔小的差距。
因此，佢產生過放棄演藝事業嘅念頭，佢有試住去做生意，但佢喺生意場度行咗一轉后，覺得并唔系自己鐘意嘅，自己真正中意嘅都系做演員。
而家，調整好心態嘅劉玉翠依然系喺各種電視劇度演綠葉，雖然從女仔變咗阿姨輩，但佢仍然希望自己嘅新角色可以得到觀眾嘅肯定。
徐濠縈，1993年與劉德華拍攝MV而入行成為演員，喺《鹿鼎記》里飾演方怡。
喺拍攝《鹿鼎記》前兩年，徐濠縈就與陳奕迅拍拖，不過嗰陣嘅陳奕迅，都系一個冇名氣小歌手。
1999年之后，陳奕迅嘅事業發展越嚟越好，徐濠縈就唔再拍戲，安靜做陳奕迅背后嘅女人。
徐濠縈曾因穿衣風格同大手洗錢畀廣泛關注，但其實只要陳奕迅冇意見，又關我哋啲食瓜群眾咩事呢？
陳慧珊，美籍華人，香港出名女藝人，為前無線電視一線女藝員，主演多套受歡迎嘅電視劇，演出角色多系專業人士。
代表作有《壹號皇庭》系列、《鑒證實錄》系列、《妙手仁心》系列、《創世紀》系列等等，曾被譽為“千禧年代無線五大當家花旦之一”。
2006年，陳慧珊與經理人鐘家鴻喺美國秘婚，2007年懷孕后宣布息影，育有一個女鐘律然。
2012年4月，陳慧珊老公鐘家鴻宣布破產，陳慧珊全面復出。
郭可盈，香港著名女演員與模特，主演過《刑事偵緝檔案》、《O記實錄》與及《創世紀》等多部膾炙人口嘅作品。
2004年，郭可盈與香港藝人林文龍結婚，結婚之后安樂打理家務，逐漸淡出演藝圈，后來林文龍出軌嘅丑聞爆出，大家先發現郭可盈一路走來並不容易。
或者郭可盈好珍惜呢段感情，因此佢哋夫妻仍喺一齊，而據傳出身富貴之家嘅郭可盈，已經接手亡父嘅億萬塑膠生意。
陳少霞，曾改藝名為陳采嵐，因16歲拍攝電影《記得香蕉成熟時》而為人所熟悉，之后加入無線電視成為旗下藝員。
《鹿鼎記》中嘅雙兒，《笑傲江湖》中嘅岳靈珊，《苗翠花》中嘅李小環，佢飾演嘅呢啲角色喺當年可以講系街知巷聞。
但系好景不長，后因其老公生意失敗，夫妻關系變差，兩人離婚收科，2008年，陳少霞復出，簽約亞洲電視ATV，并拍攝劇集《法網群英》。
2011年，陳少霞罹患甲狀腺亢奮，長女患糖尿病，前夫猝逝，靠羅救濟金困難生活。
靠住信仰，佢度過咗難關，并喺教會識咗大陸富商李文輝，2016年，兩個人喺教會由牧師見證下成婚，希望呢次嘅婚姻可為佢帶嚟幸福。
李綺紅，1994年參加香港小姐競選，獲得季軍同最受傳媒歡迎獎，然后開始踏足香港娛樂圈。
佢主演過多套電視劇，《神雕俠侶》嘅郭襄以及《絕代雙驕》嘅張菁等角色，畀觀眾們留低深刻嘅影響，不過我印象最深嘅，系佢喺《沖鋒隊怒火街頭》演嘅差婆。
2004年，李綺紅與加拿大籍老公結婚，結婚之后產下一子，幕前演出明顯減少，基本淡出演藝圈。
2008年，李綺紅復出攝影《絕代商驕》，2013年，出演愛情電影《北京遇上西雅圖》。
而家人到中年，佢一早失去僆妹嘅靈氣，但由于熱愛運動，仍然充滿住活力。
曾華倩，1983年考入無線電視藝員訓練班，畢業之后加入無線電視臺，主持兒童節目《430穿梭機》出道。
1985年，喺首部作品《雪山飛狐》中飾演苗若蘭，同年，與梁朝偉合作《新扎師兄》系列，1988年，主演咗情景喜劇《公私三文治》。
1982年，年僅就17歲嘅曾華倩系無線藝員訓練班，認識年僅20歲梁朝偉，兩人展開長達6年嘅戀情，喺呢6年中三度分手，于1988年中正式結束。
1989年，曾華倩喺拍《歡樂山城》嘅時候，與陳庭威相戀，1993年兩個人分手，并有“不與同圈內人拍拖”嘅諗法。
1996年4月，曾華倩與拍拖三年幾嘅香港世界美發用品有限公司董事長林肇基結婚，1999年誕下兒子林浩賢，2002年離婚，曾華倩撫養兒子。
2015年頭，曾華倩暫時退出幕前工作，主要照顧兒子林浩賢到外國、國內參加各種游水比賽。
劉錦玲，1989年參加亞洲電視藝員訓練班，畢業之后簽約亞視，受到力捧，主演警匪劇《法本無情》同歷史古裝劇《滿清十三皇朝》。
1993年，劉錦玲與黃日華、曾華倩合作，主演咗商戰劇《銀狐》，喺劇中飾演陰毒辣但卻是最后嘅贏家江凱倫。
1997年，劉錦玲與黃日華主演武俠劇《天龍八部》，飾演甘愿為愛犧牲生命嘅阿朱，畀觀眾留低咗深刻嘅印象
可以講，劉錦玲系一個令人惋惜嘅演員，佢外型條件唔差，演技都唔錯，而且都有唔少好嘅機會，但佢硬系就唔紅。
90年代中期，劉錦玲加入無線，本來都有好好嘅機會，但佢就自爆畀人下藥侮辱嘅新聞，導致畀公司雪藏，斷送咗前程。
落魄后嘅劉錦玲以賣保險為生到而家未結婚，目前偶爾登臺演出，以及做做教會嘅義工。
楊羚，出身于演藝世家，1985年加入無線，喺多部電視片中參與演出，其中最為人熟悉嘅系無線重頭劇《大時代》中飾演嘅方敏。
宜家已經退出演藝圈，現從事服裝行業。
張玉珊，15歲嗰陣喺街畀星探發掘，接拍咗第一個香口膠廣告，畢業之后當上歌手同轉拍電視劇，就此步入娛樂圈。
喺《新上海灘》中，張玉珊出演咗汪月琪，喺《騙中傳奇》中佢出演咗錢寶兒，喺《妙手仁心》中佢出演咗區嘉平，佢顏值雖高，但始終冇大紅！
不過，各種緋聞讓佢關注度好高，佢曾先后畀曝出同李潤華、古天樂等有過戀情，但最為人所知嘅，系佢同向華勝嘅戀情！
認識香港娛樂圈大腕向華勝之后，25歲張玉珊就退出娛樂圈轉行從商，創辦修身堂控股有限公司。
2003年公司喺香港聯交所創業板上市，29歲張玉珊成為香港最后生嘅上市公司主席，身價高達數億！
韓君婷，一個混血兒，1997年，參加亞洲小姐奪得冠軍因而入娛樂圈。
喺亞視期間呢，韓君婷參加咗多出電視劇嘅拍攝，包《屋企有個肥大佬》、《肥貓流浪記Ⅱ》、《我和僵尸有個約會Ⅱ》都占頗重戲分。
事關喺亞視多年未見突破，2001年，韓君婷轉投無線，參與咗《皆大歡喜》同《棟篤神探》等劇演出。
2010年，韓君婷宣布暫時退出娛樂圈，之后移民去新加坡定居，為屋企人打理家族生意，同時陪伴喺新加坡多年嘅雙親。
2014年，韓君婷畀爆出喺沖涼房跣親撞歪鼻骨后接受整容手術，重返觀眾視線嘅韓君婷樣貌大變判若兩人，曾被港媒大肆報道。
陳松伶，香港無線TVB九十年代嘅當家花旦，1986年參加TVB舉辦嘅“葉倩文歌唱大賽”，以粵語經典《零時時分》獲冠軍而簽約無線TVB。
《笑看風云》嘅林貞烈，《天地男兒》嘅方巧蓉，《新上海灘》嘅馮程程等等，陳松伶塑造咗個又一個嘅經典角色。
但系，就喺佢正當紅嘅時候，就突然間唔見蹤跡，好多人都以為佢消失系因為愛情，但真正嘅原因嘅，系當時佢遇到人生中巨大嘅挫折。
彼時，佢同經紀BOBO、HANS一齊住，所有銀行都系聯名戶頭，雖然有物業，但買嘅時候，佢都冇簽字，唔系喺佢名下。
因此，后來陳松伶與經紀產生矛盾畀掃地出門，身無分文也就唔難想象，加之啱啱遇上父親過咗身，雙重打擊之下，陳松伶患上憂郁癥，險些結束自己嘅生命。
好彩，雖然歷經各種坎坷，陳松伶始終不言放棄，2006年，佢同內地演員張鐸因攝影電視劇《血未冷》而相識相戀。
同年，陳松伶定居于北京，與TVB解約并減少拍攝劇集，2011年，陳松伶向媒體宣布已與張鐸結婚。
2016年，陳松伶返巢無線電視拍攝《全職沒女》，劇集推出后反應理想，陳松伶再度惹觀眾注意。
鄭雪兒，新加坡歌手同演員，1997年與郭富城合作拍攝自由易廣告而加入娛樂圈，跟住加香港無線TVB。
佢曾出演《流星花園Ⅱ》、《創世紀》等作品，因參演穿越劇《尋秦記》而備受關心，重出有幾張個人專輯。
有一段時間佢系相當嘅火，各種娛樂八卦雜志都喺爭相報道佢，但佢出演咗《爆裂刑警》同《神偷次世代》之后，好快就冇消息。
原來，2010年，佢嫁咗畀新加坡GHM酒店集團大股東嘅仔，宜家喺新加坡同日本經營餐廳生意。
此外，仲有好多女星都拍過TVB電視劇，比如藍潔瑛、李麗珍、袁潔瑩同黎姿等等，但由于佢哋以前都單獨介紹過，就唔再細說喇。
咁，今日講這些女星，你仲記得嗎？你最懷念嘅系邊個呢？
Like MisshkNews Facebook！不出门也能知天下事～
