隨時結婚,「TVB花旦」收千萬基金做求婚禮物

「TVB花旦」陳煒(煒哥),舊年自爆同臺灣商人顏志行早喺2012年已經離婚之後,今年七月,佢終于覓得第二春,與同齡兼同樣失婚嘅醫生陳國強相戀。

“陳煒 陳國強 二春”的图片搜索结果

據悉,陳煒之所以離婚,係因為老公出軌,第三者係臺灣模特。

陳煒而家呢位新男友係經圈中好男人黃智賢介紹,而且又係江美儀嘅家庭醫生。

好男人難覓,陳煒為咗經營好呢段來之不易嘅愛情,佢唔單止以「跟得女友」身份跟隨男友去巴里島開醫學研討會,仲密鑼緊鼓噉喺東九龍物色樓盤,諗住豪擲兩千萬筑愛巢。

雖然呢段戀情發展先不過四個幾月,但陳煒、陳國強卻一早升華到半同居關係,呢排甚至有知情者透露,佢哋正計劃閃婚。

日前,有記者發現陳煒、陳國強相約基金經紀會面,男朋友細心聆聽完經紀詳細分析之後,就即場簽咗一啲文件。

據了解,當日係男朋友送畀陳煒千萬基金,相信佢希望藉此盡快給予女友正式名份。

唔理點樣,宜家見到陳煒同男朋友咁幸福,真係替佢哋開心,祝福你哋永遠幸福快樂喔。

發表回覆

你的電郵地址並不會被公開。