《法證先鋒IV》班底平均年齡達40歲,Keep得最好竟然係…

《法證先鋒IV》由全新班底黃浩然、李施嬅同譚俊彥擔正演出,出街以來有唔錯嘅成績,不過一眾主角平均年齡達40歲,好似少咗一啲新人加盟。

45歲嘅黃浩然係劇中男主角,見到佢塊面肌膚緊致,冇乜皺紋,黃浩然同佢後生嗰陣相比,整體冇乜變化,只係稍微肥咗一啲。

之前憑大熱劇集《金宵大廈》而人氣急升嘅李施嬅,今次再次擔正做女主角,唔講唔知道李施嬅已經39歲!

另外,今年47歲嘅陳煒保養得好好,肌膚緊致而且自然,完全唔似中年女人,雖然佢嘅年紀比劇中女主角大,但佢應該係Keep得最好嘅女藝人。

陳煒呢幾年喺TVB積極拍劇,戲份相當高,2018年憑《宮心計2深宮計》嘅太平公主奪得《TVB萬千星輝頒獎典禮》最受歡迎電視女角色。

男二嘅譚俊彥係TVB近年力捧嘅對象,佢曾經喺大陸發展過一段時間,不過冇乜太大起色,今年40歲嘅譚俊彥育有一子一女,喺鏡頭下睇落都幾後生。

講到劇中兩位「TVB小花」朱晨麗湯洛雯,今年同樣係33歲,兩位喺劇中算係最養眼最有亮點嘅角色,兩個人都係港姐出身備受TVB力捧,相比起李施嬅、陳煒後生,而且保養狀態唔錯。

《法證先鋒》係TVB王牌系列電視劇之一,前兩部都係由歐陽震華做男主角,第三部係黎耀祥做男主角,嚟到第四部改用全新班底,希望會有理想成績。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *