較早前，憑借喺TVB旅游節目《3日2夜》中大曬美好身段加長腿而備受關注嘅朱智賢，最近就再度出發！畀封為TVB宅男女神嘅佢，日前就喺“仙氣女神”鄺潔楹一同出發去芬蘭拍攝，雖然冰天雪地意境好靚，不過正值嚴寒嘅當地真系凍到“騰騰震”。
而朱智賢就喺社交網上上載咗唔少嘅靚相，只見佢似乎凍到完全提唔起精神，甚至仲直接將暖包貼喺面上，實在系得意！同時，佢仲留言表示自己個鼻都已經畀凍傷，凍到無知覺。 
佢話：“喺零下28度拍攝，身體都頂唔住，－28度，喺雪湖上奔馳 真系唔系人咁品＃暖包要直接貼落塊面度保暖＃真系來回地獄又折返人間＃挑戰人體極限＃個鼻已經凍傷咗（左）＃塊面都無知覺”。 
睇到佢哋美麗背后所遭嘅罪，真系隔著屏幕都覺得辛苦，唔少網民都留言為佢哋加油打氣，希望佢哋可以早日完成拍攝，返嚟香港。
咁講到朱智賢，最近憑借《救妻同學會》而大獲好評嘅朱智賢，喺劇集播出后，網民唔單止大贊佢有美貌有演技，更話睇唔出拍劇經驗唔多嘅佢，都拍得好自然，而且首集播出以電單車出場時，更加系型到爆炸！
1986年生嘅佢，曾經就讀奧克蘭大學同香港科技大學，主修化學嘅佢，喺入行前曾經擔任過空姐，喺2012年嗰陣就報名參加香港小姐嘅競選，可惜嘅喺首輪面試就可惜畀人淘汰。再接再厲嘅佢，喺次年卷土重來，兼夾成功殺進港姐前20名，順加入到TVB旗下。
而加入到TVB后嘅朱智賢，主要系擔任TVB娛樂新聞臺嘅主持同演員工作，入行到而家佢曾經主持過多個節目，譬如《3日2夜》、《民峰而至》、《東張西望》、《玩轉香港日與夜》、《我們的驕傲》、《食得好健康》等。
同時喺劇集《陪著你走》、《我瞞結婚了》、《誇世代》、《一屋老友記》、《與諜同謀》、《愛·回家之八時入席》、《愛情食物鏈》、《溏心風暴3》中均有份參演。唔知喺跟住落嚟嘅新劇《白色強人》中，朱智賢又會畀我哋帶嚟點精彩噶演出呢？ 
Like MisshkNews Facebook！不出门也能知天下事～
