「偷食港姐」正式復工，避談偷食人夫

「偷食港姐」朱智賢今日正式復工，呢日佢出席《愛美麗狂想曲》嘅宣傳活動，記者發現佢全程表現緊張，神情落寞，而現場卻见唔到「偷食」男主角、同樣有份演出新劇嘅黎振燁

記者問到朱智賢係咪有望全面復出，佢話：「我梗係想快啲有嘢做，但唔係我話事，我自己已經準備接受任何工作，而且會盡全力做好佢。」

朱智賢又強調話：「自己經一事長一智，而家認清目標，專注事業，想展示自己專業演員嘅一面。」

記者講到黎振燁有演出新劇卻冇份宣傳，會唔會擔心網民再次掀起罵戰，佢就話：「人總要喺錯誤中學習，總之努力做嘢，都話經一事長一智囖。」

過去一年，朱智賢積極行山做運動努力洗底，唔知大家又係咪會接受佢會改過自新呢？