「咪神港姐」大曬40寸長腿,身型靚絕TVB!

現年31歲嘅前港姐彭慧中入行10年終於捱到成為「TVB親生女」,參選港姐出身嘅佢因為擁有豐滿嘅上圍同勻巡嘅身材,而深得網民歡心。

彭慧中進入因為主持《都巿閑情》,而畀網民封為「都市閑情女神」。

彭慧中一向都唔會收埋好身材,較早前佢大曬長腿同寵物狗狗嘅合照,吸引網民同粉絲瘋狂讚好。

有唔少網民留言大讚彭慧中身材好Fit,更男狂迷留言表示「有排J」同埋「請你Whatsapp我,好想同你做朋友」。

講到彭慧中,其實佢喺2010年參選港姐嗰陣,憑住魔鬼身材獲封咪神,原本係三甲大熱,可惜因為出現負面新聞而影響形象,最終止步八強。

雖然彭慧中落選港姐,但得到高層樂易玲賞識,獲得TVB簽約8年,佢亦決定休學進入娛樂圈發展,而一起步,佢已經被安排做單位劇《你們我們他們》嘅女主角。

之後彭慧中又參與拍攝旅游特輯、做主持,備受力捧。可惜佢屢次畀爆出同富二代夜蒲、參加狂野船P、食煙等負面新聞,令佢嘅上位之路變得艱難。

因此,彭慧中除咗首年備受TVB重用之外,之後一直畀投閑置散,直到2015年,佢重新畀委派擔任《都市閑情》(《流行都市》前名)嘅主持,佢成日著短裙大曬長腿,亦收獲一班捧場觀眾。

不過彭慧中因為要維持端莊形象,所以大部分時間著得相當密實,偶爾露一露身材,反而仲可以引起話題。

唔理點樣,都係希望彭慧中喺之後嘅事業上可以有所成就,期待佢有望跳出主持殺入劇組,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *