「抗癌歌手」不敵癌魔病逝,終年31歲

有「抗癌歌手」之稱嘅李明蔚喺2012年患上罕見「鼻咽腺樣囊性癌」之后,一直努力抗癌到而家,但最終不敵癌魔,於尋日(5月4日)病逝,終年31歲。

事后,馬浚偉喺「李明蔚facebook」宣布死訊,指明蔚喺5月4日下午5點10分返到天父嘅懷抱,感謝各方對明蔚一直以來嘅關心、支持同愛護。

講到李明蔚,其實佢喺2010年以組合「小龍鳳」之名加入樂壇,人美聲甜嘅佢,卻因為一日突然大量流鼻血,檢查之後發現患上罕見癌症。

當年得22歲嘅李明蔚雖然面對惡疾,但佢從未放棄,之後佢就致力抗癌,先后進行多次電療同化療,令其右睛、聲帶同鼻腔受到影響。

李明蔚儘管惡病纏身,但佢依然無放棄心愛嘅歌唱事業,其病情一度好轉,可惜癌魔喺2016年再度揾上佢,令其病情一度惡化。

舊年9月份,李明蔚拍片并喺社交平臺公開募集醫藥費,估唔到幾日就達標,成功籌得初步治療費用,佢亦特別喺社交平臺感覺各界善長。

而李明蔚喺抗癌之餘,亦不忘喺社交平臺更新近況,有時又會寫下心底話,好多網民都會留言畀佢,為佢加油打氣。

願你一路走好,願天堂再無病痛。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *