「星夢一姐」成功追仔湊成好字，坦言唔會再生B

「星夢一姐」吳若希同老公何兆鴻（Alex）結婚之后，育有現年3歲嘅囡囡淼淼（Giselle），今年6月佢宣佈再度大肚，之后就停工休息專心養胎。

有傳吳若希尋日成功產子，母子平安。消息傳出之后經星夢娛樂集團行政總裁何哲圖證實，率先代為報喜，向傳媒證實係BB仔，BB仔已經出世、母子平安。

較早前吳若希同大家分享孕期點滴，成功追仔嘅佢指胎動相當大，經常令佢徹夜難眠，臨近「卸貨」腰痛難忍，吳若希坦言：「唔使再問我會唔會再生，打死都唔會呀！仲想要就搵個二奶幫你生！」

唔理點樣，宜家見到吳若希一家人咁幸福，真係替佢哋開心，祝福你哋永遠幸福快樂喔。