前港姐李嘉欣最近同老公許晉亨一家三口喺歐洲度假，繼之前兩公婆牽手漫步草坪之後。日前李嘉欣又喺社交平臺分享咗親自下廚為老公、仔仔烹意大利面，見到李嘉欣手法相當嫻熟，素顏上陣嘅嘅佢面色紅潤，唔少網民紛紛留言指佢完全唔似49歲。
較早前，李嘉欣曾經接受采訪透漏喺屋企根本就唔使做啲乜，因為有工人姐姐，但身為豪門闊太嘅李嘉欣精通廚藝，真係賢妻良母！
有最靚港姐之稱嘅李嘉欣，喺2008年嫁許晉亨之後，開始淡出娛樂圈，2011年仔仔出世之後，就息影回歸家庭，從佢社交平臺分享嘅生活軌跡嚟睇，豪門生活過得相當寫意。
港姐一直係香港女性美麗與智慧嘅代表，而李嘉欣喺參加會考後，冇幾耐就喺1988年參選香港小姐，兼夾以大熱嘅姿態奪得冠軍嘅寶座。相信到而家提起港姐，大部分人首先諗到應該係李嘉欣。
當年僅18歲嘅李嘉欣，唔單止奪得香港小姐嘅冠軍，同年喺國際華裔小姐比賽中都攬獲冠軍同最佳上鏡小姐大獎。同大多數藝人一樣，佢喺選美結束之後就順進入娛樂圈，開始發展其演藝路。
入行後，李嘉欣參與唔少經典電影拍攝，譬如《笑傲江湖之東方不敗》、《妖獸都市》、《倩女幽魂2》、《賭城大亨2》、《醉拳3》、《方世玉》系列電影、《花魁杜十娘》、《十月圍城》等等。
可能因為太過靚，好容易畀人忽略李嘉欣背後嘅努力與付出，喺好長一段時間內畀形容為徒有其表嘅“花瓶”。
對于他人對自己嘅評價，李嘉欣認為自己係一個好嘅花瓶：”如果要做一個好花瓶，我覺得都唔簡單。首先，你要有市場嘅價值，要不斷有人搵你去工作，仲有你要不斷去充實自己，噉先可以做一個好花瓶。”
雖然而家李嘉欣冇作品推出，但佢依舊係好多人心目中嘅「最靚港姐」！
Like MisshkNews Facebook！不出门也能知天下事～
