「百變天后」鄭秀文不嬲注重健康飲食，更堅持每日做運動，長期保持Fit爆身形。雖然臨近新年，唔少藝人已經休息，但鄭秀文呢排依然係馬不停蹄噉做嘢。
日前，鄭秀文喺社交平臺曬近照，留言話：「繼續馬拉松Shooting day。著短裙仔，腳仔好凍。」見到佢以白色連身短裙上陣嘅感覺清爽又青春，唔少圈中好友都大讚充滿少妹味！
當中阿Sa就留言話：「Wow又瘦又靚又少女」，而胡杏兒、王君馨就分別就留言話：「僆妹」、「Sooo gorgeous！好僆妹ah」！ 
不嬲行喺潮流尖端嘅鄭秀文，每次登臺表演嗰陣都會挑戰出位時裝造型，無論有幾前衛都可以完美駕馭，更畀網民封為「百變天后」。
較早前鄭秀文喺社交平臺曬出之前演唱會中嘅其中一個未登場過嘅造型，相當大膽出位，連鄭秀文都直言「重口味」！
Like MisshkNews Facebook！不出门也能知天下事～
