「英皇太子爺」二婚女友宣佈有喜,回應表示好感恩

英皇集團主席楊受成33歲細仔楊政龍(Alex),較早時傳出與天後容祖兒戀上,不過消息好快就畀容祖兒否認,佢話:“今日冇,將來都唔會,更加講楊政龍已經有女朋友。“

而呢位女朋友就係KOL黃子菲(Ava),較早時已經有幾張合照力證兩個人嘅關係相當親蜜,今日更有嘅消息,就係黃子菲已經有咗,BB嘅老竇係楊政龍。

黃子菲喺社交平臺曬相,并留言:”我懷孕了,藏在肚子的秘密,很開心可以告訴大家,感恩我們快當爸媽了,這份喜悅實在難以言喻,緣份讓我們擁有愛情結晶,往後的日子我們一起努力。“

而楊政龍Alex就留言回覆:”很感恩”。

容祖兒都衷心送上祝福:“yeahhhhhh!!!!!!我做小姑媽啦!”

楊政龍對此回復傳媒:“好開心同大家宣宣佈女朋友黃子菲有咗BB,暫時照顧好女朋友同BB健康為先,多謝大家嘅祝福。”

黃子菲喺2010年參加校花選舉而廣為人知,進入娛樂圈後拍過TVB劇集《尖子攻略》,當然亦都拍過唔少廣告。

19歲嗰陣曾經嫁比大自己10年嘅大狀黃添偉,可惜2年之後就宣佈離婚。

黃子菲近年全職做KOL,曾經對外宣稱年收入超過百萬,喺社交平臺粉絲人數有高達三十萬人。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *