《2021香港小姐競選》已經圓滿結束，港姐冠軍由宋宛穎奪得，而梁凱晴同邵初就分別奪得亞軍同季軍，可惜關楓馨（Fabienne）就大熱倒灶，三甲不入。
其實現年26歲嘅關楓馨係關禮杰大女，因為「星二代」嘅身份而備受關注，另外樣貌標緻嘅佢喺首輪面試到決賽嗰晚都表現出色，大方得體甚有大將之風！
傾到關楓馨今年終于參選港姐，佢話：「因為我覺得自己今年思想成熟咗，覺得自己今年可以嚟參選，而且老竇媽咪都好支持我。」
對于未來嘅發展，關楓馨自嘲身高不足，做模特兒無望，所以希望向做戲方面發展，更坦言想跟老竇進行，父女檔拍劇，相信未來絕對有機會！
Like MisshkNews Facebook！不出门也能知天下事～
