TVB熱播劇集《星空下的仁醫》出街馬上成為網上討論熱話，喺劇中飾演實習醫生嘅「落選港姐」黃碧蓮都意外成為話題之一。
可能好多人對黃碧蓮好陌生，事實上現年30歲嘅佢已經入行七年，都拍過幾套電視劇同做過兒童節目主持，但星途發展就未如人意，一直未能彈起。
其實黃碧蓮喺2012年曾經參加《溫哥華華裔小姐競選》，雖然三甲不入卻奪得「最上鏡小姐」，係第一位未能成為三甲攞到「最上鏡小姐」得主。
2014年，黃碧蓮嚟香港參加《香港小姐競選》，當年佢以一票之差失落「最上鏡小姐」，同年由邵珮詩同時奪得冠軍同最上鏡小姐。
選美結束之后，黃碧蓮馬上成為TVB經理人合約藝員，因為畢業于「兒童心理學」嘅關系，第一年就擔任兒童節目《Think Big天地》嘅主持。
2016年黃碧蓮同時擔任咗《港生活·港享受》嘅主持，2018年喺《Think Big天地》畢業之后就調去《今期流行》。
咁多年嚟黃碧蓮雖然主力主持，做戲經驗不足，但正正因為主力做主持，所以佢咬字發音都有好大進步，而且口才都進步神速，先讓佢有機會飾演台慶劇《星空下的仁醫》實習醫生。
而家黃碧蓮終于可以喺做戲上有大突破，佢表示希望可以乘勝追擊，可以用多啲時間磨煉演技，拍多啲戲。
傾到入行7年，依然交唔起租，黃碧蓮坦言做呢行係難嘅，堅持咁耐因為我有熱誠。
不過，大家唔好以為黃碧蓮生活貧困，其實佢係富家千金，現時老竇喺加拿大擁有自己嘅室內設計生意，媽咪就係家庭主婦，屋企完全有實力喺香港為佢買一層樓方便追夢。
只係香港有規定外國籍人士一定要住夠7年先可以買樓，而家啱啱夠7年，黃碧蓮表示呢排計劃準備買樓喇！
得閒嗰陣黃碧蓮經常會出海度假。
原來黃碧蓮自從拍完《星空下的仁醫》之后，差唔多有半年冇嘢做，適逢佢步入30歲，決定要嘗試啲唔同嘅嘢，所以佢開始做起網店小生意。
黃碧蓮表示由于全部都係自己一腳踢，所以制作較慢，如果成日都喺工作室制作嘅話，可以做40個度，好低產。
黃碧蓮經營多個月，積累咗唔少忠實粉絲，每個月持續有新客，搵佢買飾品，雖然唔可以做到個個月都盈利，但都算係一份興趣同副業。
唔理點樣，都係希望黃碧蓮喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
