「蘭桂坊USB」回巢擔正做男主角，自爆準備開拍古裝劇

日前，「蘭桂坊USB」沈震軒宣傳新歌《局內人》，同時亦係ViuTV劇集《好人好姐》插曲。講到沈震軒，當年佢畀網民封最靚仔配角，曾經拍攝《潛行狙擊》飾演爆登一角，令人留低深刻印象，人氣急升。

沈震軒喺《潛行狙擊》做基男鐘意黃宗澤，佢喺《使徒行者》受傷斷手，頂硬上完成拍攝。

沈震軒對于回巢返TVB拍劇，佢表示好緊張：「同仲未合作過嘅演員合作，希望有新火花。而且呢次擔正做男主角，最緊要角色有發揮同好玩。」

據悉，新劇叫《一笑渡凡間》，已知演員有蕭正楠、湯洛雯、沈震軒，蕭正楠、文雪兒。繼1997年梁榮忠版《濟公》之後，相隔23年再拍攝濟公嘅題材劇！