「貼地港姐」吵大鑊被高層照肺,為咗上位唯有…

日前,傳出「貼地港姐」馮盈盈鄭衍峰未滿1年嘅地下情分訊,由於男方不滿緋聞多多嘅馮盈盈拒絕公開戀情經常吵大鑊,更試過驚動高層,最終馮盈盈棄「兵」保上位,再見不是朋友。

據悉,馮盈盈同鄭衍峰已經分手2個月,馮盈盈一早已經搬離同鄭衍峰位於深水埗嘅愛巢,舊年11月頭搬到將軍澳海景千呎豪宅嗰陣,地下情已經玩完,導火線係佢唔肯公開戀情。

有傳馮盈盈同鄭衍峰喺電視城鬧交鬧分手嗰陣驚動TVB高層,曾經被樂易玲「照肺」,自此不歡而散,分手之后連朋友都做唔成!

其實馮盈盈同鄭衍峰分手一早有跡可尋,睇返社交平台,雖然佢哋仲係互相關注,但馮盈盈11月中開始已經唔再like男方嘅post,而鄭衍峰由以往女友逢post必like,到過去2個月得3、4個like。

鄭衍峰更不時發佈意有所指嘅「失戀文」,譬如「我們曾經都係至尊寶,愿你不用成為孫悟空也懂珍惜紫霞仙子」、「所謂青春就係一場迫不得已嘅成長」,令人有所聯想!

事后記者聯絡上馮盈盈就分手一事,佢話:「邊係分手啊,我哋從來都係同事同朋友關係。又否認被TVB高層照肺」。

而鄭衍峰就話:「我同馮盈盈從來都係好朋友同好拍檔,一向關係都係咁,多謝大家關心,記得頒獎禮投票畀佢啦。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *