「貼地港姐」愈住愈豪，神秘男揸名車接送

「貼地港姐」馮盈盈舊年初搬到月租1萬9蚊嘅深水埗匯璽300幾呎單位，冇幾耐鄭衍峰以「男主人」身份進駐，2人即時展開同居嘅生活。

但之后馮盈盈同鄭衍峰開始感情生變，11月頭馮盈盈搬離愛巢，更愈住愈豪，宜家同屋企人租住將軍澳海景千呎單位，月租高達4萬！

據悉，日前馮盈盈畀住客目睹返昔日深水埗愛巢執嘢，之后疑似獲新歡西裝男揸名車接送！

另一邊，事關租約未完，鄭衍峰唯有繼續獨留昔日愛巢，未知會唔會睹物思「盈」，愈住愈傷心！