「貼地港姐」暗串舊愛，坦言閃婚實出事

「貼地港姐」馮盈盈同醫生男友鐘文浩（寶寶）拍拖4年，佢哋更發展到同居試婚階段，但最后可惜因為「相處好，同住難」，喺2019年尾分手收科。

日前，馮盈盈邀請麥玲玲做嘉賓，麥玲玲傾到另一半最穩定嘅職業，當講到醫生嘅時候，馮盈盈反應大仲大聲話：「唔要呀！嗰啲乜on Call 360喎！真係激到我！」

馮盈盈請教麥玲玲，點解追求者都想同佢定終身？麥玲玲笑指男人講嘢唔好信，真係想結婚唔會出聲，仲提到閃婚易出事。

馮盈盈表示認同：「係呀，閃婚實出事。」馮盈盈舊愛舊年4月畀爆有新歡黃潁妍，佢哋較早前結婚，所以馮盈盈喺節目話「閃婚實出事」，被指係串舊愛。

講到馮盈盈，其實佢喺2016年參選香港小姐競選，獲得冠軍入行短短三年，已經成功獲得「飛躍進步女藝員」獎項。

馮盈盈上位速度比2013年港姐冠軍嘅陳凱琳仲快，加埋馮盈盈比起陳凱琳更有觀眾緣，喺演技上更勝一籌。

馮盈盈入行之後備受TVB力捧，劇接劇之余仲要犧牲自我，喺幕前獻身，進取攻勢表誓向「TVB一姐」目標進發。

TVB睇到馮盈盈前途無量，主要簽賣身契做「TVB親生女」，肯搏肯畀嘅佢，最近正式升呢做女主角，同視帝陳展鵬開拍新劇《逆天奇案》。