「貼地港姐」破冰不成，絕地反擊曬新相

「貼地港姐」馮盈盈同江嘉敏因為「破冰」合照版本各有不同，引嚟大批網民柯南上身研究邊張先係「真.原圖」，唔知係咪大家討論得太激烈。

搞到馮盈盈都引唔住要絕地反擊，曬出幾張出位新相，大騷3吋事業線，更加揚言要公開執相技巧！

見到馮盈盈曬曬事業線又露背，認真養眼，襯埋西裝褸同透視誘惑，效果令人眼前一亮，同平時行甜美風嘅佢有好大出入，更有網民留言話仲以為佢係胡定欣。

究竟馮盈盈、江嘉敏呢對好姊妹係面和心不和，定係節目《解構心機女》嘅宣傳手法，大家不妨拭目以待！