據悉向華強兒子向佐被曝，日前已經與未婚妻臺灣女星郭碧婷，喺意大利卡布里島舉行秘密婚禮，事關向佐同老竇向華強一樣生肖屬鼠，所以希望趕喺今年完婚後開始造人大計，趕住生鼠年BB。
消息指，臺灣著名男歌手蕭敬騰有份獲邀出席向佐同郭碧婷嘅婚禮，而網上又傳出疑似係一對新人與婚宴現場工作人員嘅合照。
另外，更有疑似婚宴菜單曝光，上面清晰可見印有「B＆J」同「Bea＆Jacky」（向佐同郭碧婷嘅英文名），亦隱約可見時間一欄寫住9月9日。 
直到misshk截稿先，向佐同郭碧婷兩位當事人仍然未公開回應秘密完婚一事，不過大批網民已經紛紛喺網上留言，向一對新人送上祝福！
唔理點樣，都係祝福向佐同郭碧婷新婚快樂，希望如願所償造人誕下鼠年寶寶，恭喜恭喜！
Like MisshkNews Facebook！不出门也能知天下事～
