「DO姐接班人」罕見拍劇,預告今晚有性感演出

「DO姐接班人」麥美恩喺2011年參選香港小姐,雖然遺憾落選港姐,但佢憑借有急才、口才畀TVB高層欣賞,所以推薦佢進入TVB做咗娛樂節目主持人,而且佢好少參與劇集演出,最多都係客串演出。

麥美恩難得今次喺臺慶劇《使徒行者3》有份演出,佢喺IG提前預告大家,即將出街嘅《使徒行者3》中,會有佢嘅「性感」演出。

今晚八點半TVB將會首播台慶劇《使徒行者3》,麥美恩喺劇中飾演臥底之一嘅「朱倩」,但第一集就會死去。皆因麥美恩喺第一集就會被活摘器官而身亡,雖然她嘅演出好短,但已經獲得網民激讚以及好評。

麥美恩喺IG留言話:「Her name is Juicy。第一日拍攝留個紀念,冇錯,我都認唔到自己,自己都睇唔慣個樣。除咗選港姐着三點式之後,冇試過着咁少!」

提到麥美恩,其實佢喺2011年參選香港小姐,可惜遺憾落選港姐,不過麥美恩有急才、口才被高層欣賞,所以推薦佢進入TVB做咗娛樂節目主持人,委派同森美一齊拍攝《森美旅行團》。

喺《森美旅行團》中,麥美恩傻大姐嘅形象深入民心,事業愈戰愈勇,近年更盡獵大型節目司儀演出,喺TVB工作量驚人,連男朋友許文軒亦因為佢受惠。

許文軒呢排工作量激增,由主播殺入TVB做司儀,較早時擔任《萬千星輝頒獎典禮》攞獎旁白司儀,又可以同女朋友搭檔做《勁歌金曲頒獎典禮》司儀,事業轉強。

提到許文軒,其實佢入行前曾經參加過全球華人新秀歌唱大賽,仲獲得冠軍兼奪最佳臺風獎,之後返香港參加總決賽,同屆香港代表仲有宜家已經喺國內紅盡半邊天嘅陳偉霆。

原本許文軒係讀設計,放棄做設計師加入TVB做主播,自從同麥美恩一齊,事業心激增,麥美恩好緊張男朋友事業,不停為男朋友而作出鋪路拉線。

麥美恩主持節目出色,畀TVB選中做鄭裕玲嘅接班人,所以佢同TVB高層關係特別好。

唔理點樣,宜家見到麥美恩同許文軒咁幸福,真係替佢哋開心,同埋期待佢哋喺之後嘅事業上可以有所成就,加油。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *