「TVB世紀渣男」夫憑妻貴,收心嫁入豪門食軟飯

呢排,袁偉豪同張寶兒聯名買入6500萬清水灣豪宅,連隨畀大肆報道,指袁偉豪靠有米女友升呢。其實,「TVB世紀渣男」鄭俊弘情況同袁偉豪差唔多,都畀人「夫憑妻貴」嘅感覺。

今年11月即將迎娶富家女何雁詩嘅鄭俊弘,為咗符合富貴駙馬爺身份,由昔日揸日產車,升呢揸波子,仲唔係「夫憑妻貴」?

鄭俊弘同何雁詩并非門當戶對,加埋人人都知道鄭俊弘個底花,所以傳聞何爸爸本來唔鍾意鄭俊弘,直到後尾先改觀仲公開贊:「呢個男仔幾好,又唔多聲氣,覺得佢幾孝順。」

鄭俊弘喺2013年憑借《星夢傳奇》爆紅嘅時候,佢喺TVB捱咗12年、月入六千蚊嘅辛酸史畀大肆宣揚,仲要靠遠在加拿大嘅媽咪接濟,當時連媽咪都建議佢返加拿大當差好過。

唔單止咁樣,未紅嘅鄭俊弘更被傳媒影到,同舊愛姜麗文同埋秦沛到餐廳食下午茶,最後拎出銀包埋單嘅係秦沛,鄭俊弘貧困潦倒形象從此深入民心!

鄭俊弘同何雁詩差天共地,負面新聞一單接一單,包括成名之後即撇陪佢捱窮嘅姜麗文。

鄭俊弘就算同何雁詩相戀之後,又收埋拍拖3年嘅未婚妻阿Beebs,更加傳出攬啜女模Bebi,葬送「星夢一哥」地位。

好彩,何雁詩仲係不離不棄,連何爸爸都開綠燈批準鄭俊弘升呢做駙馬,真係要講翻句「做好呢份工」,第日莫講話二手波子,隨時可以揸住勞斯萊斯、賓利、法拉利,成為何雁詩嘅御用「柴可夫司機」都仲得。

Like MisshkNews Facebook!不出门也能知天下事~

2 Comments on “「TVB世紀渣男」夫憑妻貴,收心嫁入豪門食軟飯”

發佈回覆給「匿名訪客」的留言 取消回覆

發佈留言必須填寫的電子郵件地址不會公開。 必填欄位標示為 *