「TVB咪神」陳婉衡（Alycia）擁有36E誘人上圍，加埋佢又好錫宅男粉絲，經常喺社交平台大曬錫士福利相，每次都令宅男粉絲大飽眼福。
呢日，陳婉衡竟然一反常態，錫士爭奉之餘仲好攪笑，佢留言話：「點解其他女仔做空中瑜伽做到咁優雅，我就失威扮晒蟹。」
見到陳婉衡喺度練習空中瑜伽，佢可能未能掌握平衡要訣，對腳撐住布帶嗰陣對腳不停揈揈嚇，動作相當攪笑，好似「橫行蟹」一樣。
尤其陳婉衡離地面兩米高，有網民留言表示擔心佢會跌落地受傷，亦有網民問佢係咪喺度攪笑，佢就回復話：「我好認真㗎！」
講到陳婉衡，其實佢因為喺2012年參選港姐而入行，佢擔任《Go！YamaGirl》同《3日2夜》節目主持之後開始為人熟悉，佢更擁有36E魔鬼身材畀網民稱宅男女神。
陳婉衡平日都會分享一啲健身、旅行嘅靚相，雖然多數都係曬身材，但都抵擋唔住粉絲對佢嘅喜愛，好身材當然攞出嚟曬都無可厚非，或者都因為咁陳婉衡嘅粉絲數高達13.3萬。
而唔少網友都會抨擊陳婉衡，指佢喺社交平臺上放嘅相太過性感，對于言論比較刻薄嘅網友，陳婉衡就表示自己其實好樂觀，唔開心嘅狀態自己可以一下就較過嚟。
唔知道，你認為陳婉衡社交平臺上放咁性感相好嗎？
Like MisshkNews Facebook！不出门也能知天下事～
