「TVB小生」羅天宇因為擁有好多「女神級」舊愛，所以畀網民尊稱為「TVB女神收割機」，茍蕓慧、林芊妤、湯洛雯、陳瀅、蔣家旻同盧頌之，個個都係網民心中嘅女神。
較早時有傳羅天宇曾經蜜會「TVB長腿女神」戴祖儀，去沙灘撐枱腳仲要放埋狗狗，認真恩愛，不過故事仲未完！
呢排，TVB熱播劇集《那些我愛過的人》，當中蘇皓兒（Chole So）憑住飾演林文龍女兒「姜子優」而爆紅，學生妹造型更加係電暈咗唔少宅男。
原來「女神收割機」羅天宇一早已經向蘇皓兒埋手，今日更公開噉喺IG曬出同蘇皓兒打藍球嘅合照，唔通又係玩地下情？
羅天宇自從2008年加入TVB，入行足足有12年，就得一套代表作《愛回家》，而且仲係小配角，之後佢嘅事業停滯不前。
不過羅天宇勝在有個好媽媽，靠母蔭生活，對于演藝事業可謂全無野心，反而最出名係「識食小生」呢個身份，入行十二年女接女，感情生活多姿多采，個個都係女神級，畀喻為「女神收割機」。
羅天宇阿媽做生意同炒樓好犀利，呢幾年主力經營位于西貢蠔涌路成豐片場內嘅4萬呎金鐘燒烤場同茶餐廳生意，即使羅天宇唔返工都可以繼承家業。
羅天宇最初嘅女朋友係林芊妤（Coffee），因為拍攝《南華夢飛翔》而相識，有傳林芊妤係其初戀女友，畀朋友公開兩個人床上親密相后，先爆出曾經相戀。
羅天宇也熱衷姐弟戀，曾經成功追求大自己4年嘅華姐冠軍苟芸慧，戀情一直都唔畀睇好，加埋受到TVB多番施壓，兩個人對外指以事業為由，和平分手。
與苟芸慧分手之后，羅天宇同高海寧因為拍攝劇集《法網狙擊》而戲假成真，更畀影到相約去深圳按摩。
早年合作處境劇《愛回家》飾演兩兄妹嘅羅天宇、蔣家旻，被指日久生情曾經被影到行街拍拖。
唔理點樣，都係希望羅天宇喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
