「TVB宅男女神」再推出性感寫真,直言老公底線比我仲低

日前,「TVB宅男女神」孫慧雪現身將軍澳電視城,為出席七月星辰活動,身為七月壽星女嘅佢,喺受訪期間表示,今年生日將會同屋企人、BB一齊食飯慶祝。

佢又指,之後仲會陸續推出兩本新書,一本系散文一本系寫真,呢個系佢由細到大嘅愿望。

孫慧雪表示:“其實大家可能唔知道,我讀中文系,所以細個嗰陣已經想出書,今年一定要滿足呢個愿望。”

現年嘅37歲孫慧雪,入行以來一直以性感見稱,2016年佢為咗紀念入行十周年就曾經出過寫真集,好身材展露無遺,令佢成功俘獲大批粉絲。

而呢次孫慧雪再出書,問到會唔會再次以性感亮相,佢就直言:「有諗過行文青路線,但驚冇人買,所以都有啲啲『福利圖』,兩本書係滿足唔同人嘅需要,相集就錫士啲,其中仲有一張相未見過咁錫士。”

不過,話曬已經身為人母,孫慧雪其實已經冇咁性感,問到繼續拍性感寫真,老公會唔會嬲?孫慧雪直指老公比自己嘅底線更加低!

孫慧雪又表示,自從做咗媽咪之後心態轉變,為咗迎合唔同粉絲,自己都要學識了解觀眾嘅口味,佢笑言:“要迎合唔同嘅粉絲,始終做咗媽咪,性感嗰本就益男粉絲啦,哈哈哈。”

據悉,孫慧雪畢業于TVB第20期藝員訓練班,唔經唔覺佢已經出道十幾年,多年嚟佢曾經參演過多部劇集,其中包括《溏心風暴2》、《潛行狙擊》、《三個女人一個因》、《畢打自己人》、《on call 36小時》、《沖上雲霄》等,演技深入民心,不過始終未能走紅,星途平平。

喺跟住TV準備出街嘅《機場特警》、《殺手》中,都有孫慧雪精彩噶演出,各位粉絲到時候記得多加留意,到時候我哋又可以再一睹女神孫慧雪精彩噶演出!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *