「TVB宅男女神」十歲絕密片段畀曝光，竟然……

教育電視（ETV）係唔少香港人嘅童年回憶，不過隨住通信局宣佈因為收視偏低，TVB有機會喺今年6月份之後停播。而「TVB宅男女神」連詩雅（Shiga）就喺社交平台分享佢十歲嗰陣拍攝教育電視嘅片段。

連詩雅留言話：「好。。我承認每個人都有點不敢面對的童年。。。?????」

片段中，見到連詩雅樣貌清秀，并講得一口流利嘅英文，而且發音標準，除咗介紹外國友人乜係太極之外，又齊齊去食蛇羹。面對鏡頭一啲都唔怕醜，果然注定係食呢行飯。

其實拍攝過教育電視嘅唔止有連詩雅，仲有黃美棋、楊思琦、甚至宜家係當紅炸子雞嘅G.E.M.（鄧紫琪）同王祖藍都有份。