「TVB宅男女神」昔日同學錄遭泄密,最愛…

呢排,「TVB宅男女神」楊穎(Angelababy)參加咗綜藝節目《向往的生活》,當中公開咗佢手寫嘅一小段文章,佢嘅字跡公開之後引起回響,即刻畀舊同學爆出佢十幾歲嗰陣寫嘅畢業紀念冊語錄。

同學錄中,佢列出個人身高167cm同45kg體重,佢仲親自寫出12個愿望同喜好,時隔16年,Angelababy究竟可唔可以愿望夢成真?

當年15歲嘅Angelababy,擇偶條件係要有感覺,仲要比佢高,興趣係跳舞、唱歌、打功夫。鐘意嘅歌手係陳冠希同周杰倫;歡喜嘅演員係張柏芝;愿望係開開心心、自由、萬人迷、有錢人、做一個有用嘅人。

萬萬諗唔到,Angelababy嘅所有愿望,幾乎已經全部達成!

Angelababy揾到比自己高嘅黃曉明,10年前已經獲偶像周杰倫邀請做演唱會嘉賓。

至於做萬人迷兼做有錢人?Angelababy目前社交平台有一億幾粉絲,加埋呢幾年佢收入大增,片酬代言求求其其8位數起跳,老公黃曉明更加係坐擁過億身家。

雖然Angelababy屢次畀傳臉部「進化」,不過並唔阻大陸粉絲對佢嘅喜愛,而家去就差同張柏芝同陳冠希見面或者合作!

講真,Angelababy嘅所有愿望基本已經達成,大家翻下自己嘅同學錄,唔知大家昔日嘅愿望達成咗幾多呢?

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *