「TVB小生」入行13年成功彈起,性格或者受到童年影響

呢排,劇集《飛虎之雷霆極戰》喺本月26號已經大結局,備受網民期待嘅劇集《殺手》將喺今晚正式出街,而家正在熱播嘅就得《那些我愛過的人》。

當初睇到《那些我愛過的人》劇名嗰陣其實MissHk對劇集并唔係特別期待,以為又係簡單嘅言情劇,不過追睇之後原來劇情都係相當吸引嘅。

雖然有網民表示《那些我愛過的人》節奏唔係好快,一直都喺度圍繞七年前嘅車禍,但係就幾位主演嚟講,劇集仲係唔錯嘅。

當中「TVB小生」馬貫東同連詩雅都係首次擔任比較重嘅戲份,佢哋喺劇中拍拖嘅時候都甜蜜到唔少觀眾,不過結婚之後佢哋嘅摩擦逐漸越嚟越多,加埋婆媳關係,相信之後嘅劇集都會圍繞呢塊。

劇中嘅男二號馬貫東飾演嘅古希晨係患有亞氏保加症嘅內科醫生,患有呢個病嘅病人智商完全係冇問題嘅,只係不善於交際。

而私底嘅馬貫東亦係同古希晨有相類似嘅性格,平日一樣沉默寡言,現年已經33歲嘅馬貫東,入行已經有13年,捱到宜家做到男2號,相當唔容易。

努力係會有回報嘅,馬貫東呢次喺《那些我愛過的人》劇中嘅表現成功引起咗網友嘅關注,網民都紛紛力捧佢做今年嘅飛躍進步男藝人。

馬貫東喺接受采訪嗰陣回答嘅都好簡短,馬貫東笑稱自己本身就唔係好識得講嘢,就連劇組嘅演員都笑自己有呢個病。

雖然私底下馬貫東少言,但係面對角色嗰陣又係另外一個個樣,而馬貫東嘅沉默想必多多少少同佢成長經歷有關。

自細父母就已經離異,馬貫東同兩個家姐係媽咪一手帶大,加埋馬貫東細個嗰陣肥嘟嘟又矮,自然成為咗唔少同學欺凌嘅對象。

而馬貫東面對同學嘅欺凌都會選擇隱忍,就係噉樣不善言辭嘅馬貫東卻愛上咗要面對觀眾嘅一個行業,佢亦表示感謝身邊嘅人一直鼓勵自己要多傾計同溝通,不過馬貫東直言而家都係需要時間去適應。

無論點樣,可以喺螢幕前帶嚟好嘅作品嘅藝人就係好藝人,亦相信马贯东之後嘅戲路會越來越廣,有更多嘅機會上位。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *