「TVB小生」馬貫東喺2007年參加TVB藝人培訓班而入行，當年佢因為《愛回家》乖乖仔形象深入民心，呢排佢更憑借喺《那些我愛過的人》飾演一位患自閉症譜系障礙嘅醫生「古希晨」而人氣急升。
日前馬貫東畀爆料指佢同富家女Christy準備筑愛巢過甜蜜同居生活，而Christy原來係「TVB小生」朱敏瀚嘅前度。
馬貫東喺TVB捱咗14年，佢曾經透露屋企經濟一般，入行初期銀行存款得幾蚊，不過呢幾年佢多咗觀眾認識，而為咗討高層歡心，即使拍拖，馬貫東都好少傾到感情事。
不過日前再記者爆料，指馬貫東一直以來專打有錢女主意，未同Christy拍拖之前，馬貫東原來已經有固定女友Queenie，佢同Christy一樣係喺英國畢業之后返香港，Queenie屋企係經營海鮮批發生意。
據悉馬貫東喺前度Queenie朋友圈中係出咗名「軟飯王」，唔單止衫褲鞋襪出街食飯全由女方埋單，就連馬貫東嘅卡數亦係由Queenie負責找數。
而且馬貫東同Queenie拍拖期間，馬貫東曾經要求女方唔可以公開關係，為避免男友責怪，Queenie唔敢喺社交平台貼出佢哋拍拖嘅相，即使自己生日，亦cut走馬貫東嘅樣。
兩年前馬貫東生日，Queenie約埋《愛回家》一班藝人為男朋友慶祝生日，佢事后喺社交平台貼出大合照，相中見到Queenie小鳥依人挨實男友，一臉幸福。
不過，睇返馬貫東喺社交平台曬出嘅同一場合大合照，卻見唔到Queenie嘅蹤影。
舊年5月份，馬貫東喺社交平台透露同Queenie分手，見到佢曬出一張喺英國旅行嘅單人相，但據知情人透露因為Queenie父母反對佢哋拍拖，所以佢哋最終分手收科。
唔理點樣，都係希望馬貫東喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
