「TVB小生」林峯喺尋晚宣佈婚訊，佢喺社交平台留言：「我嘅2019，人生步入新階段，往後嘅歲月有你相伴，我的夫人（張馨月），多謝大家嘅祝福，感恩一路上有你哋，2020年見。」
林峯更高調曬出：兩個人手拖手婚戒嘅相，真係好甜蜜。而張馨月轉發同留言：「往後余生，與你甘苦相伴」
宣佈咗婚事，但林峯未公開結婚地點以及時間等詳情，而林峯堂妹林夏薇開心表示：大哥大嫂幸福美滿！
林夏薇接受訪問時話：「早就知道好消息，冬至同平安夜都一齊度過慶祝，恭喜曬佢哋，祝福佢哋白頭到老！永遠幸福快樂！具體嘅消息就要等阿哥回應啦！」
最後恭喜林峯同張馨月喜結連理，早生貴子！
Like MisshkNews Facebook！不出门也能知天下事～
