「TVB小花」不獲力捧宣佈離巢，曾經演唱多首超好聽歌曲

「TVB小花」何雁詩喺2015年加盟TVB旗下星夢娛樂公司，本來獲得公司力捧嘅佢前年戀上鄭俊弘，因為鄭俊弘被傳背住未婚妻同佢拍拖，兩個人形象受損，事業一度受挫。

舊年曾經傳出何雁詩拒同公司續約，但佢之後仲有推出新歌。

而何雁詩今日喺社交平臺宣布已經離開合作咗五年嘅星夢娛樂，佢話∶「五年已經過去，呢一刻嘅感覺係感恩同唔舍得❤。」

男朋友鄭俊弘留言支持????，以行動支持何雁詩嘅決定，而一眾好友陳瀅、陳嘉寶、陳凱琳都有留言鼓勵。

其實misshk都好鐘意聽何雁詩演唱嘅劇集歌曲，不過TVB近年力捧菊梓喬成為新星夢一姐，連吳若希都要讓步，何雁詩演唱主題曲嘅機會越嚟越少。

都唔怪得今日何雁詩做出唔續約嘅決定，希望何雁詩喺之後嘅事業上可以有所成就，希望未來可以繼續聽到多啲關於何雁詩好聽嘅歌。