「TVB小花」同周柏豪有感情線,擔心會成為少女公敵

TVB臺慶劇《多功能老婆》集合唔少好戲之人,但有一位演員原來係第一次拍劇,佢就係飾演周柏豪女友嘅戴祖儀,其實24歲戴祖儀原本係一個歌手,今次亦有份主唱《多功能老婆》片尾曲。

備受力捧嘅戴祖儀,最近曝光率超高,除咗劇集之外,每個禮拜日都會見到佢參與游戲節目《娛樂大家》!

戴祖儀講到呢次喺《多功能老婆》飾演性格單純嘅幼稚園老師,同周柏豪有感情線,戴祖儀表示首次拍劇初頭都覺緊張,佢話:戲入面有啲一廂情愿鐘意周柏豪,好在對手係佢,好快投入到,但係我都擔心會成為少女公敵!

戴祖儀講到同偶像楊千嬅合作,佢直言係夢寐以求嘅事:睇過好多套佢嘅電影,《新扎師妹》可以講陪住我成長,我睇咗十萬次!

所以開頭好緊張,不過戲入面所有前輩都好好人,編劇寶華姐(陳寶華)更加好好,次次拍攝前一晚都會教我點飾演角色,幫到我好多!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *