「TVB小花」宣佈離巢,自嘲係失業媽媽

「TVB小花」楊嘉欣喺今年3月份升呢做媽咪,呢日佢喺社交平台宣佈已經同TVB完約:「雖然我只係2打6,走咗無人會可惜,不過的確係一個與眾不同嘅經歷,又識到一班朋友仔,I will be back!」

楊嘉欣又自嘲係失業媽媽,并指希望第日可以再喺其他平臺同大家見面!

TVB小花」順利產子升呢做媽咪,老竇係圈中出名… | 香港小姐新聞

但有細心嘅網民發現,楊嘉欣似乎暗示咗不獲TVB續約有啲不滿,事關佢TAG表示:「#再見tvb個b呀#原來簽咁多年合約都係廢嘅#」,都唔少網民都留言鼓勵佢唔好灰心:東家唔打打西家、有危先有機。

現年20歲嘅楊嘉欣雖然好後生細,原來佢喺16歲嗰陣就已經入行。早年佢接受訪問時表示,就讀國際學校嘅佢喺完成中五之後,就進入咗無線電視藝員訓練班追夢。

楊嘉欣入行4年嚟,演出機會都有唔少,例如《雜警奇兵》、《特技人》、《溏心風暴3》、《誇世代》。

楊嘉欣仲喺《愛回家之開心速遞》中曾飾演校董女兒(第81-82集)憑借其一對修長美腿成功入屋,人氣急升。

最後,唔理點樣都係希望離開TVB之後嘅楊嘉欣,可以另有好發展,如果有機會再畀大家帶嚟精彩表現嘅話,噉就再好不過啦。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *