「TVB小花」形象百變,網友都話認唔出佢

大家睇《法證先鋒IV》嘅時候,有冇留意到黃浩然身邊嗰個秘書Polly呢?睇上去Polly斯斯文文、正正經經。唔講唔知其實佢係《愛回家之開心速遞》嘅「島大女魔頭」李莫仇(張詩欣飾演)呀!

「TVB小花」張詩欣喺《愛回家之開心速遞》要醜化自己,上演一個又癲又喪嘅角色,同朱凌凌(吳偉豪飾)嘅互動好攪笑,更成功入屋!

張詩欣同《法證先鋒IV》嘅演出有大反差,連佢都話:「我發覺冇人知道呢個係我???」,網友都表示:「化妝真係好緊要!」、「呢個根本係兩個人」、「完全唔認得係李莫仇」!

其實,張詩欣演足三輯《愛回家》,包括2015年第一輯、2016年《愛回家之八點入席》同而家呢部《愛回家之開心速遞》!而「李莫仇」原本只出演一集,但最終有得留低,張詩欣都表示可以正式加入劇組好似中大獎咁樣!

到而家,張詩欣已經演出超過50套劇集,分別包括《宮心計2深宮計》、《BB來了》、《木棘證人》等等,除咗《愛回家》,佢喺《四個女仔三個Bar》中飾演援交少女亦備受關注!

而張詩欣選擇進入娛樂圈竟然係因為佘詩曼,當年睇港姐競選時覺得佢好靚,又有善心,所以促使佢進入娛圈,希望幫到人,同時可以搵錢養家!而且張詩欣其實身材好好,更經常大曬性感泳衣照!

喺感情方面,原來張詩欣有一個大佢11年嘅男朋友,佢哋已經拍拖3年,感情相當穩定,冇受到年齡差距而影響!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *