「TVB小花」性感打扮，同工人姐姐出街買嘢

「TVB小花」傅嘉莉（Kelly）喺月頭啱度過34歲生日，呢排佢仲喺TVB旅游節目頻頻大騷誘人身材，真係好搏。而呢排佢更畀拍喺街上面嘅柜員機攞錢都好性感，以透視大露背裝示人。

日前，著得性感嘅傅嘉莉同工人姐姐喺上環行街，佢孭住名牌手袋同一個黑色袋，喺途經一間結業大減價嘅玉器店，傅嘉莉馬上喺櫥窗睇下有冇減價貨可買，不過睇咗一陣之後未有心水，於是同工人姐姐繼續行去中環方向。

原來傅嘉莉係到電器鋪買電掣，睇到傅嘉莉問伙記攞產品目錄研究，之後攞手機左按右按，最終都係空手離開。

行完電器鋪之後，傅嘉莉再去玻璃畫架店配畫框，工人姐姐喺環保袋拎出一幅畫之後，傅嘉莉就同伙記研究配畫框，其間佢熱到除低外套，原來佢著住白色透視裝，真係好誘人。

最後傅嘉莉買完畫框之後，經過一間蛋撻店，忍唔住買咗一份熱烚烚蛋糕食，食完之後先同工人姐姐一齊搭車離開。