「TVB小花」朱智賢（Ashley）畀爆背著謝東閔搭上有婦之夫黎振燁之後，雖然獲得男友謝東閔護航，但形象依然係直插谷底、事業急凍，包括《東張西望》主持工作亦都畀煞停。
雖然朱智賢喺謝東閔陪伴下開記者招待會喊住認錯道歉，但似乎并未幫到佢挽救形象，到而家依然係復工無期。
較早前曾經有消息指朱智賢將會好快重返《東張西望》，不過到而家依然未見佢再出現喺幕前。
據悉朱智賢一直好心急想復出，TVB都想盡辦法讓佢重生，但係有消息指由於TVB已經決定放棄黎振燁并同佢解約，礙于公平問題，朱智賢唯有繼續「雪藏」。
收到風其實TVB內部對于朱智賢復出幕前演出一事，亦有唔少反對嘅聲音，所以佢想復工，可以要等黎振燁完成解約手續之后，而且要再過一段時間先至可以做決定。
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
