「TVB小花」湯怡喺今年一月份驚喜宣佈同麥秋成奉子成婚，正式榮升做人妻之餘仲做埋媽咪。由於疫情關係，湯怡暫時停工安胎，不過一路好動嘅湯怡未停落嚟，經常喺屋企做瑜伽。
大肚五個月嘅湯怡已經開始見肚，但呢日竟然曬出一張倒立相，雖然湯怡已經同大家派定心丸，不過網民仲係戥BB擔心，覺得動作好牙煙，紛紛留言勸阻。
網民留言話：「有bb仲做呢個高危動作有乜益處？為咗打卡？」等等，當事人湯怡未有回應，不過其他持相反意見嘅網民就留言為湯怡反駁，引發社交平臺罵戰。
其實，除咗湯怡大肚倒立之外，以前都有唔少大肚女藝人都有挑戰呢個動作，好似林芊妤都有試過大肚倒立嘅動作，同樣惹唔少嘅爭議。
對於呢個行為唔知道你點睇呢？
Like MisshkNews Facebook！不出门也能知天下事～
