舊年TVB曾經頒下「禁奶令」，唔畀TVB旗下女藝人喺幕前過分性感，就連劇集都唔可以有好大膽鏡頭，不過冇幾耐之後「禁奶令」解封咗。
喺尋晚播出嘅《金宵大廈》嗰集入面，就出現咗一幕令人睇到流鼻血嘅畫面。就喺開始咗冇幾耐，喺劇中飾演Baby Mia呢個角色嘅歐陽巧瑩（Tammy）就有性感演出。
呢場戲講到歐陽巧瑩開live教大家做瑜珈，著上運動裝嘅佢其實衣著唔算係特別性感，出面仲著上咗一件長袖外套，不過佢就將外套上嘅拉鏈拉開，即時變得相對性感。
歐陽巧瑩本身身材驕人，再加埋佢俯身做出瑜珈動作，令呢場戲嘅視覺效果更為震撼，以電視嘅尺度嚟講算係超性感演出。
有網民就喺討論區留言表示：呢幕係成集嘅亮點所在。
唔理點樣，梗係希望歐陽巧瑩可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
