「TVB小花」為咗配合新劇造型,忍痛親自剪短發

「TVB小花」陳瀅呢幾年緋聞多多,舊年因為與TVB小生陳家樂拍攝《廉政行動2019》之後,兩個人傳出戀情,男方仲畀影到喺女方留宿,但係呢個傳聞傳咗一年幾,兩個人到而家仲係否認。

呢排陳瀅出席某男性朋友生日party,兩個人更以老公老婆互相稱呼對方,關係非一般,但係陳瀅都冇承認兩個人嘅關係,只解釋係好好好好嘅朋友。

陳瀅呢排拍攝TVB新劇《伙計辦大事》,較早時佢透露會剪去長發配合角色需要,自言細個嗰陣時從未試過剪短發,但係都好期待可以畀觀眾帶嚟新感覺,希望唔會嚇到人。

陳瀅尋日喺社交平臺直播自己剪發嘅視頻,最開始佢露出扁嘴表情,之後就忍痛親自剪落第一刀,之後就交由發型師繼續。

剪完短發之後嘅陳瀅畀人清爽感覺,佢仲對著鏡頭擺出雙V手勢,好似對自己個新發型好滿意。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *