「TVB小花」獻出熒幕初吻，表示仲可以嘗試其他劇情

「TVB小花」蘇韻姿出席商場活動，喺上禮拜五《愛回家之開心速遞》播出一集中，佢同飾演朱天梯嘅梁證嘉喺劇中錫嘴，獻出佢熒幕初吻，引起唔少粉絲關注。

蘇韻姿話，“其實呢場戲係我哋兩個人嘅屏幕初吻，拍嘅時候啱啱遇到梁證嘉新婚，我感覺好似有啲對唔住阿嫂。但係又唔可以揗揗震嘅，噉會影響拍攝，不過好好彩嘅係拍出嚟嘅效果都幾好。”

問到蘇韻姿係咪夠膽挑戰更大尺度演出，佢表示唔介意有多D工作機會，其實佢喺《愛回家》中已經有好多大膽嘗試，比如扮女仆，佢好愿意為戲而嘗試，如果要跳樓嘅話，就要睇嚇你使唔使要訓練一下。

當日喺活動現場，蘇韻姿同臺下嘅小朋友玩遊戲，好鐘意小朋友嘅佢表示冇入娛樂圈之前都曾經打算做老師。

而喺《愛回家》積累咗唔少小粉絲，蘇韻姿話：“街上有小朋友見到我就會大叫我個名，熊心如或者紅衫魚，仲追問我劇情嘅發展，令我好開心。”

蘇韻姿係2016年香港小姐嘅十強選手，1993年出世嘅佢係嚟自加拿大，喺加拿大土生土長，2016年選完港姐嘅蘇韻姿，被安排入讀TVB戲劇進修班，并開始正式拍劇。

蘇韻姿嘅第一部作品就係《愛回家之開心速遞》播出，佢飾演嘅熊心如戲份好多，也受到大家嘅關注。

好多網友都表示蘇韻姿嘅演技唔錯，收放自如，扮演學生毫無違和感，入行唔到三年，蘇韻姿拍攝嘅劇集唔算好多，但已經有咗代表作，兼夾形象都畀廣大觀眾所熟悉，佢運氣都算唔錯。

最近蘇韻姿同朱天梯呢一段感情戲，唔知道觀眾會唔會鐘意？都希望佢可以繼續努力畀大家帶來啲更好嘅作品。