「TVB小花」畀爆與何猷亨復合，深夜專車接送返香閨

「TVB小花」陳瀅（Jeannie）入行以嚟同眾多TVB男藝人不斷傳出緋聞，為人熟知嘅有陳家樂同埋羅天宇，不過最終都冇開花結果。

而陳瀅最令印象深刻嘅戀情一定係喺2015年同何家四房長子何猷亨同游日本，之後戀情畀爆出。

戀情爆出之後，迅速見光死，陳瀅同何猷亨兩個人拍拖只係維持咗短短半年，喺分手之後曾經畀人見到一齊睇煙花而傳出復合，當時陳瀅回應同何猷亨係再見亦是朋友關係。

自從陳瀅同何猷亨分手後呢4年嚟，佢依然聲稱單身，緋聞對象雖然好多，但全部都畀佢極力澄清。
原因竟然係陳瀅同何猷亨藕斷絲連，呢排陳瀅拍攝完《伙記辦大事》之後，佢上咗何猷亨嘅黑色七人車，并由司機車返香閨。

而家見到陳瀅上咗何猷亨嘅車，期待兩個人傳出好消息，陳瀅係咪可以好似奚夢瑤一樣順利嫁入豪門，誕下男嬰，我哋拭目以待。