「TVB小花」自爆暗溝有米闊少,嚇到嗌分手

「TVB小花」姚子羚較早時畀影到夜會人夫Raymond,傳出翻撻疑云,當時佢拒絕回應感情事,直言喺感情方面低調,如果他日遇到真命天子步入教堂就接受大家祝福。

雖未知姚子羚宜家感情有冇著落,但佢喺麥玲玲主持嘅節目《Master’s Talk師父有請》,就自爆曾經到一位有米前度屋企,令佢大開眼界,嚇到嗌分手。

姚子羚解釋話:「因為呢位有米前度,門外有兩個保安守住,一入屋大家就叫佢少爺嗰種,屋企仲有電梯添,真係嚇到我嗌分手。」

講到姚子羚,其實佢入行18年鮮有緋聞,呢幾年佢獲得TVB力捧成為新花旦,今年仲擔正做《黃金有罪》、《大步走》劇集女主角,事業上尚算成功。

但係感情一事仲一直空缺,姚子羚曾經同闊少鄭子邦拍拖三年,兩個人經常喺社交平台曬恩愛且已同居,當大家以為佢哋可以好事近可以結婚嘅時候,兩個人突然喺2018年3月宣佈分手。

不過佢哋分手之后仲係朋友,姚子羚當時發文指:「仲會彼此關心、支持、愛護對方,一段關係嘅結束唔代表就係結束,愛其實可以有更多唔同嘅方式,我相信無論大家係乜嘢關係,仲會守護祝福對方。」

2019年5月姚子羚畀傳媒爆料,指佢秘戀好姊妹Sarika(蔡宛珊)老公Raymond Young,指兩人已經秘密拍拖一段時間,當中更加涉及四角關係。

不過之后姚子羚澄清否認佢做小三搶好姊妹老公,更表示驚訝自己被拍床照,又自爆已經同Raymond散咗!

雖然姚子羚情路坎坷,但相信充滿正能量嘅佢,一定可以揾到一個真正欣賞佢嘅男生!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *