「TVB小花」葉蒨文喺《愛回家之開心速遞》中飾演島大女神Candy，造型百變扮乜似乜，佢更憑借呢個角色成功入屋，更被網民熱捧，讚佢有潛質成為新一代花旦。
呢日，葉蒨文出海游船河嚟個大解放，見到佢著上橙色泳衣大騷身材，身形玲瓏浮凸，「A4腰」更加係零舍吸睛，將S形線條呈現。
網民紛紛留言葉蒨文，大嗌「索爆」、「冇到彈！」「流鼻血！」
另外，葉蒨文較早時更升呢成為「TVB親生女」，收入比之前穩定，宜家努力儲首期嘅佢，暫時租住先，目標兩年買樓上車！
宜家成為「TVB親生女」嘅葉蒨文外貌標誌，佢喺2016年參選港姐入行，因為同歌手葉蒨文撞名而令人留低深刻印象，雖然最後落選港姐，但無阻佢進入娛樂圈。
葉蒨文修讀TVB藝人訓練班后由路人甲做起，後尾獲得賞識加入《愛回家》慢慢獲得關注，更憑借「島大女神」Candy一角成功彈出，俘虜唔少宅男粉絲。
唔理點樣，都係希望葉蒨文喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
