「TVB小花」釣唔成金龜,宜家疑似與TVB小生試婚同居

「TVB小花」陳瀅感情生活豐富專釣金龜,2015年同賭王何鴻燊四房公子何猷亨拍拖,可惜認戀十個月後分手,嫁入豪門夢破碎後。

年尾嘅時候,陳瀅畀拍到同“衫架大王”太子爺劉德俊見面時攬腰掃面,舉止親昵。

到咗2017年陳瀅又畀拍得同方力申夜蒲蘭桂坊。

2018年陳瀅同陳家樂傳緋聞同時,就多次畀發現同羅天宇出街拍拖,當時陳瀅被指介入先導致羅天宇同湯洛雯分手,直至今年6月兩個人仲畀爆同游日本賞櫻花。

舊年12月,TVB小生陳家樂畀傳媒發現與陳瀅喺中環撐臺腳食飯,食完飯陳瀅更親自揸跑車,同陳家樂一齊返屋企,令呢對“雙戀”曝光。

陳家樂與陳瀅撐臺腳食飯曝光之後,兩個人一直堅稱係好兄弟,而今日有傳媒報道,陳家樂喺半夜獨自坐的士到陳瀅寓所,保安見到陳家樂時更友善岌頭打招呼同開門,疑似兩個人共筑愛巢畀斷正。

據報道指,原來陳瀅因為驚畀經理人發現戀情,專登喺寓所大廈租住另一較大單位與陳家樂共建愛巢,更指因為陳家樂鐘意“煮家飯”,所以陳瀅經常向朋友取經,研究烹飪技巧。

雖然兩個人到而家一直否認戀情,但係每次出席公開場合畀問及對方,都會忍唔住贊兩句,相信觀眾除咗鐘意睇呢對螢幕情侶之外,仲樂于見到兩個人修成正果。

不過陳家樂今日回復傳媒時再次做出澄清話:“我哋冇拍拖,都冇同居,一直都係好朋友,現階段我將事業擺喺第一位,多謝大家關心。”

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *