「TVB小花」29歲生日,好姊妹化身學生妹獻吻

「TVB小花」鄺潔楹踏入29歲生日,一班好姊妹劉穎鏇、伍樂怡、魏韻姿等人為佢舉行生日會慶祝,除咗送上多個別出心裁嘅生日蛋糕之外,更現場向壽星女左右夾攻獻吻,令生日會更添氣氛,樂也融融。

而生日會設定咗以校服為指定服裝,鄺潔楹、劉穎鏇、伍樂怡、魏韻姿化身學生妹亮相,好似出席畢業派對噉樣,相當養眼。

講到鄺潔楹,雖然佢身高只有155cm,但有32B豐滿上圍,更拍攝《3日2夜》大曬誘人身材而人氣急升,畀網民封為新一代「TVB宅男女神」。

高度無阻女神受歡迎,擁有天使面孔以及惹火身材嘅鄺潔楹,更加獲得唔少監制青睞,較早前更畀安排加入高收視嘅《愛回家之開心速遞》演出,繼續做女神。

鄺潔楹唔單止生得靚女,而且屋企仲好有錢,父母經營家俬生意,27歲佢同屋企人住喺大埔淺月灣獨立屋,個人名下更擁有一個跑馬地豪宅物業,又開有投資公司,名副其實係富家千金。

唔理點樣,憑借鄺潔楹嘅實力,相信只要佢努力做嘢,提升演技,應該喺TVB會有好好嘅發展,加油加油。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *