「TVB御用配角」兩年冇劇拍,宣布提前解約離開TVB

「TVB御用配角」喬寶寶,喺2006年參加人氣綜藝節目《殘酷一叮》,憑住將胸毛鏟成「TVB」三個字母而成功突圍,誠意十足嘅佢更獲得TVB青睞并請佢入行拍劇。

雖然喬寶寶生得好似外國人,但其實喬寶寶係土生土長嘅香港印度人,粵語非常流利。

咁多年嚟喬寶寶曾經為我哋帶嚟好多歡樂,佢喺TVB發展嘅演藝事業,都算係順風順水,除咗拍節目、拍劇,甚至有幸擔任主要角色,佢代表作包括有《高朋滿座》、《真相》同《沖呀!瘦薪兵團》等,相信你哋都歷歷在目。

然而嚟到今日,呢位曾經陪伴我哋成長嘅喬寶寶,都正式對外宣布約滿離巢!同時,佢仲宣布離開TVB之後,自己亦正式告別香港演藝生涯!

喺離開嘅時刻,似乎都少不免傷感,喬寶寶喺告別短片中更數度落淚,佢話:「如果真係著緊某事,會好難開口講再見,但若有足夠勇氣講拜拜,生活會畀自己一個好嘅新開始。」

同時,喬寶寶亦對TVB及所有粉絲表示感激,并寄語眾人要常懷感恩的心,同愛護身邊嘅人。佢強調,雖然自己係印度人血統,但佢永遠熱愛呢片曾經承載佢成長同夢想嘅地方–香港。

據悉,喬寶寶入行前曾經喺香港懲教署任職二級懲教助理職務,加入TVB多年去曾經演過類似嘅角色,佢話好熱愛拍戲嘅感覺,可以嘗試唔同嘅角色人生,多姿多彩。

不過,今年年中喬寶寶嘅身體出現咗嚴重問題,心臟其中血管栓塞99%并接受手術,之後決心喼弗兼唔再捱更抵夜好好養生。

唔理點樣,希望喬寶寶身體健康,無論去邊度都希望佢可以依然歡樂,就如當年第一次出現喺觀眾面前噉鬼馬可愛,加油!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *